Sunday, December 22, 2013
Saturday, July 13, 2013
Thursday, July 11, 2013
Tuesday, July 9, 2013
॥ ॐ श्री परमात्मने नमः ॥
आतां हृदय हें आपुलें । चौफाळुनियां भलें ।
॥ अथ श्रीमद्भगवद्गीता ॥
। अथ पञ्चदशोऽध्यायः - अध्याय पंधरावा । ।
। पुरुषोत्तमयोगः ।
आतां हृदय हें आपुलें । चौफाळुनियां भलें ।
वरी बैसऊं पाउलें । श्रीगुरूंचीं ॥ १ ॥
ऐक्यभावाची अंजुळी । सर्वेंद्रिय कुड्मुळी ।
भरूनियां पुष्पांजुळी । अर्घ्यु देवों ॥ २ ॥
अनन्योदकें धुवट । वासना जे तन्निष्ठ ।
ते लागलेसे अबोट । चंदनाचें ॥ ३ ॥
प्रेमाचेनि भांगारें । निर्वाळूनि नूपरें ।
लेवऊं सुकुमारें । पदें तियें ॥ ४ ॥
घणावली आवडी । अव्यभिचारें चोखडी ।
तिये घालूं जोडी । आंगोळिया ॥ ५ ॥
आनंदामोदबहळ । सात्त्विकाचें मुकुळ ।
तें उमललें अष्टदळ । ठेऊं वरी ॥ ६ ॥
तेथे अहं हा धूप जाळूं । नाहं तेजें वोवाळूं ।
सामरस्यें पोटाळूं । निरंतर ॥ ७ ॥
माझी तनु आणि प्राण । इया दोनी पाउवा लेऊं श्रीगुरुचरण ।
करूं भोगमोक्ष निंबलोण । पायां तयां ॥ ८ ॥
इया श्रीगुरुचरणसेवा । हों पात्र तया दैवा ।
जे सकळार्थमेळावा । पाटु बांधे ॥ ९ ॥
ब्रह्मींचें विसवणेंवरी । उन्मेख लाहे उजरी ।
जें वाचेतें इयें करी । सुधासिंधु ॥ १० ॥
पूर्णचंद्राचिया कोडी । वक्तृत्वा घापें कुरोंडी ।
तैसी आणी गोडी । अक्षरांतें ॥ ११ ॥
सूर्यें अधिष्ठिली प्राची । जगा राणीव दे प्रकाशाची ।
तैशी वाचा श्रोतयां ज्ञानाची । दिवाळी करी ॥ १२ ॥
नादब्रह्म खुजें । कैवल्यही तैसें न सजे ।
ऐसा बोलु देखिजे । जेणें दैवें ॥ १३ ॥
श्रवणसुखाच्या मांडवीं । विश्व भोगी माधवीं ।
तैसी सासिन्नली बरवी । वाचावल्ली ॥ १४ ॥
ठावो न पवता जयाचा । मनेंसी मुरडली वाचा ।
तो देवो होय शब्दाचा । चमत्कारु ॥ १५ ॥
जें ज्ञानासि न चोजवे । ध्यानासिही जें नागवे ।
तें अगोचर फावे । गोठीमाजीं ॥ १६ ॥
येवढें एक सौभग । वळघे वाचेचें आंग ।
श्रीगुरुपादपद्मपराग । लाहे जैं कां ॥ १७ ॥
तरी बहु बोलूं काई । आजि तें आनीं ठाईं ।
मातेंवाचूनि नाहीं । ज्ञानदेवो म्हणे ॥ १८ ॥
जे तान्हेनि मियां अपत्यें । आणि माझे गुरु एकलौतें ।
म्हणौनि कृपेंसि एकहातें । जालें तिये ॥ १९ ॥
पाहा पां भरोवरी आघवी । मेघ चातकांसी रिचवी ।
मजलागीं गोसावी । तैसें केलें ॥ २० ॥
म्हणौनि रिकामें तोंड । करूं गेलें बडबड ।
कीं गीता ऐसें गोड । आतुडलें ॥ २१ ॥
Sunday, July 7, 2013
Wednesday, May 15, 2013
Monday, May 13, 2013
Friday, May 3, 2013
Tuesday, April 30, 2013
Friday, April 26, 2013
Thursday, April 25, 2013
Wednesday, December 26, 2012
Monday, September 24, 2012
Tuesday, September 11, 2012
Monday, September 10, 2012
Friday, August 10, 2012
Wednesday, August 1, 2012
. स्वामी माधवनाथ म्हणतात :-...
आपण फार मोठे पुण्य केले म्हणून हा नरजन्म प्राप्त झालेला आहे . आता मला तर वाटते प्रत्येक क्षणात ब्रहमानंद आहे . आपण हा आनंद किती घेऊ शकतो ते पहा .....एक कर्माचा आनंद आहे, एक भक्तीचा आनंद आहे,एक योगाचा आनंद आहे . ज्ञानाचा आहंद तर अपरंपार आहे . आपल्यापैकी कोणी एखादा ज्ञानी झाला तर त्याचा आनंद गगनात मावणार नाही . रामकृष्ण परमहंस , रमण महर्षी, गोंदवलेकर महाराज श्रीधर स्वामी स्वामी स्वरूपानंद या संत मंडळींच्या चेहेर्याकडे आपण पहा कसे शांत तृप्त प्रसन्ना दिसतात . मग ते काय कर्म करीत नाही! रमण महर्षी स्वतः भाजी चिरत शेणाने जमीन सारवत स्वतः केरसुणी घेऊन झाडून काढत स्वैपाक करत. .......राम कृष्ण आपल्या शिष्यांना भरवत असत. विवेकानंद-नरेंद्र १७-१८ वर्षांचे होते. रामकृष्ण त्यांना मिठाई भरवत असत.. ..
Friday, July 27, 2012
Tuesday, July 24, 2012
Subscribe to:
Posts (Atom)